എന്‍റെ ബ്ലോഗ്
സെക്ഷന്‍: കവിത
ഒരു മഴയായി പെയ്യാന്‍…
ആദ്യം കടലില്‍ ചാടണം,
ആഴങ്ങളില്‍ മുത്തമിട്ടിണചേര്‍ന്നു-
പൊള്ളി നീരാവിയായി ഉയരണം
പിന്നെ മേഘങ്ങളെ ചുംബിച്ച്
അവരില്‍ ലയിച്ച്‌ പൂര്‍വ്വാംബര-
ത്തിലേയ്ക്ക് പറന്നു പറന്നു വരണം.
ഈറനില്‍ കുതിര്‍ന്നോരാ സൗന്ദര്യം
കണ്ടു കാമോദ്ധീപനാകും സഹ്യന്‍
തടഞ്ഞു നിർത്തി പേടിപ്പിക്കുമ്പോള്‍.
താനേ കരഞ്ഞൊഴുകുന്ന കണ്ണീരും
ഉരുകിയൊലിക്കുന്ന ദേഹിയും
മഴയായി പെയ്ത് ഭൂമിയെ പുണരും
കോട്ടയം ജില്ലയിലെ ചെങ്ങളം തെക്കേകൂറ്റ് തറവാട്ടില്‍ ടി. ആര്‍. ഗോപിനാഥ൯ നായരൂടെയും പി. ജി. ചെല്ലമ്മയുടെയും ദ്വിതീയ പുത്രനായി 1960 ജൂലൈ 3ന് ജനനം. സ്കൂള്‍-കോളേജ് വിദ്യാഭ്യാസം കോട്ടയത്ത്. 1985ല്‍ മുംബൈയിലേക്ക് ചേക്കേറി. വസ്ത്രകയറ്റുമതി രംഗത്ത് ദീര്‍ഖകാല പരിചയം. ഇപ്പോള്‍ കേരളത്തിലും ടൂറിസം രംഗത്ത് വ്യവസായ സംരഭം. നിരവധി വിദേശരാജ്യങ്ങള്‍ സന്ദര്‍ശിച്ചിട്ടുള്ള അനുഭവം. ഏറ്റുമാനൂര്‍ പുന്നത്രയില്‍ താമസം.
സഹധര്‍മിണി: സുജാത ഡി.
മക്കള്‍: അഖില്‍ വിജയ്‌, ഐശ്വര്യ വിജയ്‌
